18/03/2024

ელექტროენერგეტიკული სისტემის კომერციული ოპერატორის გენერალური დირექტორი  კახაბერ ქებურია  სამუშაო ვიზიტით, ავსტრიის დედაქალაქ ვენაში იმყოფებოდა, სადაც   ავსტრიის ენერგეტიკული ბაზრის ოპერატორის, EXAA Energy Exchange Austria -ს წარმომადგენლებს შეხვდა.

15/03/2024

2024 წლის თებერვლის თვეში ესკო-ს მეშვეობით შესყიდულმა (გაყიდულმა) საბალანსო ელექტროენერგიის რაოდენობამ 342 017 516.9 კვტ.სთ შეადგინა,რაც აღნიშნულ თვეში, ქსელში მთლიანი მიწოდების 29% წარმოადგენს. საბალანსო ელექტროენერგიის ღირებულებამ 53 822 979.5 ლარი შეადგინა.

◼ - პირდაპირი კონტრაქტით გაყიდული ელექტროენერგია

- საბალანსო ელექტროენერგია                                            

თებერვალში საბალანსო ელექტროენერგიის საშუალო შეწონილმა ფასმა ერთ კილოვატ საათზე 15.7369073 თეთრი შეადგინა, ხოლო დერეგულირებული ელექტროსადგურების საბალანსო ელექტროენერგიის ფასმა კი - 18.156 თეთრი.

07/03/2024

ძვირფასო ქალბატონებო, ელექტრონერგეტიკული სისტემის კომერციული ოპერატორი გილოცავთ ქალთა ეკონომიკური, პოლიტიკური და სოციალური მიღწევების აღნიშვნის გლობალურ საერთაშორისო დღეს, 8 მარტს!

დიდ პროფესიულ წარმატებებს, წინსვლას და მხნეობას გისურვებთ ჩვენი ქვეყნისა და ოჯახების საკეთილდღეოდ!

07/03/2024

ელექტროენერგეტიკული სისტემის კომერციული ოპერატორის მენეჯმენტისა და თანამშრომლებისთვის, მსოფლიო ბანკის ენერგეტიკული მისიის წარმომადგენლებმა კიბერუსაფრთხოების შესახებ ორდღიანი ტრენინგი ჩაატარეს.

06/03/2024

პირველი ვიცე პრემიერი, ეკონომიკისა და მდგრადი განვითარების მინისტრი ლევან დავითაშვილი ისლანდიის პრეზიდენტს, გუდნი იოჰანსენს და ისლანდიის გარემოს, ენერგეტიკისა და კლიმატის მინისტრს-გუდლეიგურ თორ თორდარსონს შეხვდა. შეხვედრაში მონაწილეობდნენ ეკონომიკისა და მდგრადი განვითარების სამინისტროს ენერგეტიკული დეპარტამენტების უფროსები,  ესკოს გენერალური დირექტორი  კახაბერ ქებურია და  ენერგეტიკული კომპანიების ხელმძღვანელები.

03/03/2024
ძვირფასო დედებო, გილოცავთ დედის დღეს!
ყოველი მომუშავე დედის წარმატებაში დიდი წილი შვილებს მიუძღვით, მათ წინსვლასა და კეთილდღეობაზე ზრუნვას. შვილების დღეგრძელობას, ბედნიერებას, ენერგიას და თქვენი ამაგისა და იმედების გამართლებას გისურვებთ.
ესკოს გენერალური დირექტორი
კახაბერ ქებურია
20/02/2024

2024 წლის 1 მარტიდან ელექტროენერგეტიკული ბაზრის ოპერატორმა რეგისტრაცია გაუუქმა შპს „აი დი სინერჯის“, როგორც ელექტროენერგიის საბითუმო მიმწოდებელს, და „ელექტროენერგიის (სიმძლავრის) ბაზრის წესები“-ს შესაბამისად, იგი აღარ წარმოადგენს საბითუმო ვაჭრობაში მონაწილეს.

15/02/2024

2024 წლის იანვრის თვეში ესკო-ს მეშვეობით შესყიდულმა (გაყიდულმა) საბალანსო ელექტროენერგიის რაოდენობამ 396 344 163.3 კვტ.სთ შეადგინა,რაც აღნიშნულ თვეში, ქსელში მთლიანი მიწოდების 30.3% წარმოადგენს. საბალანსო ელექტროენერგიის ღირებულებამ 61 522 478.4 ლარი შეადგინა.

◼ - პირდაპირი კონტრაქტით გაყიდული ელექტროენერგია

- საბალანსო ელექტროენერგია                                            

იანვარში საბალანსო ელექტროენერგიის საშუალო შეწონილმა ფასმა ერთ კილოვატ საათზე 15.5224888 თეთრი შეადგინა, ხოლო დერეგულირებული ელექტროსადგურების საბალანსო ელექტროენერგიის ფასმა კი - 18.581 თეთრი.

14/02/2024

2024 წლის 09 თებერვლიდან ელექტროენერგეტიკული ბაზრის ოპერატორმა, „ელექტროენერგიის (სიმძლავრის) ბაზრის წესების“ შესაბამისად, საბითუმო ვაჭრობაში მონაწილედ დაარეგისტრირა შპს „ექსიმგრუპი“, როგორც პირდაპირი მომხმარებელი.

07/02/2024

2024 წლის 5 თებერვლიდან ელექტროენერგეტიკული ბაზრის ოპერატორმა, „ელექტროენერგიის (სიმძლავრის) ბაზრის წესების“ შესაბამისად, საბითუმო ვაჭრობაში მონაწილედ დაარეგისტრირა შპს „თავისუფალი მიმწოდებელი“, როგორც თავისუფალი მიმწოდებელი.