ესკო საინფორმაციო
2016 წლის 29 დეკემბრიდან ელექტროენერგეტიკული ბაზრის ოპერატორმა რეგისტრაცია გაუუქმა სს „დარიალი ენერჯი“-ს, როგორც ელექტროსადგურს - საცდელი გაშვების ან/და კომპლექსური გასინჯვის პერიოდში და „ელექტროენერგიის (სიმძალვრის) ბაზრის წესები“-ს შესაბამისად იგი აღარ წარმოადგენს საბითუმო ვაჭრობაში მონაწილეს.
2016 წლის 22 დეკემბრიდან ელექტროენერგეტიკული ბაზრის ოპერატორმა, „ელექტროენერგიის (სიმძლავრის) ბაზრის წესების“ შესაბამისად, საბითუმო ვაჭრობაში მონაწილედ დაარეგისტრირა შპს „აგროენერჯი“, როგორც მცირე სიმძლავრის ელექტროსადგური.
2016 წლის 21 დეკემბრიდან ელექტროენერგეტიკული ბაზრის ოპერატორმა რეგისტრაცია გაუუქმა შპს „ვოთერ ენერჯი“-ს, როგორც მცირე სიმძლავრის ელექტროსადგურს კაზრეთი ჰესის ნაწილში და „ელექტროენერგიის (სიმძლავრის) ბაზრის წესების“ შესაბამისად, იგი აღარ წარმოადგენს საბითუმო ვაჭრობაში მონაწილეს.
2016 წლის იანვრის, მარტის, ივნისის, ივლისის, აგვისტოს და ოქტომბრის თვეების ანგარიშსწორების ბაზების კორექტირების შედეგად, შეიცვალა ესკოს მიერ გასაყიდი საბალანსო ელექტროენერგიის ფასები.
ელექტროენერგეტიკული ბაზრის ოპერატორმა შეხვედრა გამართა ენერგეტიკის განვითარების ფონდის, USAID-ის, მსოფლიო ბანკის, საქართველოს ტექნიკური უნივერსიტეტის, თანაინვესტირების ფონდის, საპარტნიორო ფონდის, ევროპის რეკონსტრუქციისა და განვითარების ფონდის, CALT & TAGGART-ის, თიბისი ბანკის წარმომადგენლებთან. შეხვედრის მიზანი იყო ესკოს ახალი ვებ-გვერდის საპრეზენტაციოდ მზადების პროცესში, კომპანიებისათვის იმ სიახლეთა წინასწარ გაცნობა, რასაც დაინტერესებულ მომხმარებელს მომავალი წლიდან შესთავაზებს ელექტროენერგეტიკული ბაზრის ოპერატორის განახლებული ვებ-გვერდი.
2016 წლის 23 დეკემბერს გამოცხადდა სადაზღვევო მომსახურების შესყიდვის გამარტივებული ელექტრონული ტენდერი (SPA 160032053), რომლის გამოცხადებული სატენდერო ღირებულება შეადგენს 10130 ლარს და სატენდერო წინადადების წარმოდგენის ვადა მთავრდება 2016 წლის 29 დეკემბერს 14:00 სთ.
2016 წლის 23 დეკემბერს გამოცხადდა ავტომანქანების შეკეთებისა და ტექნიკური მომსახურების შესყიდვის გამარტივებული ელექტრონული ტენდერი (SPA 160032047), რომლის გამოცხადებული სატენდერო (სახელშეკრულებო) ღირებულება შეადგენს 15145 ლარს და სატენდერო წინადადების წარმოდგენის ვადა მთავრდება 2016 წლის 29 დეკემბერს 14:00 სთ.
2016 წლის 23 დეკემბერს გამოცხადდა ავტომანქანების რეცხვის მომსახურების შესყიდვის გამარტივებული ელექტრონული ტენდერი (SPA 160032045), რომლის გამოცხადებული სატენდერო ღირებულება შეადგენს 4600 ლარს და სატენდერო წინადადების წარმოდგენის ვადა მთავრდება 2016 წლის 29 დეკემბერს 13:30 სთ.
2016 წლის 15 დეკემბრიდან ელექტროენერგეტიკული ბაზრის ოპერატორმა, „ელექტროენერგიის (სიმძალვრის) ბაზრის წესების“ შესაბამისად საბითუმო ვაჭრობაში მონაწილედ დაარეგისტრირა შპს „აჭარ ენერჯი-2007“, როგორც ელექტროსადგური - საცდელი გაშვების ან/და კომპლექსური გასინჯვის პერიოდში.
2016 წლის 14 დეკემბრიდან ელექტროენერგეტიკული ბაზრის ოპერატორმა, „ელექტროენერგიის (სიმძალვრის) ბაზრის წესების“ შესაბამისად საბითუმო ვაჭრობაში მონაწილედ დაარეგისტრირა შპს „მაქსანია 2014“, როგორც მცირე სიმძლავრის ელექტროსადგური.
