15/09/2020

2020 წლის 01 სექტემბრიდან ელექტროენერგეტიკული ბაზრის ოპერატორის მიერ რეგისტრაცია გაუუქმდა შპს „საქნახშირს“ („ტყიბულის თბოელექტროსადგური“-ს ნაწილში), როგორც მცირე სიმძლავრის ელექტროსადგურს და „ელექტროენერგიის (სიმძალვრის) ბაზრის წესების” შესაბამისად იგი აღარ არის საბითუმო ვაჭრობაში მონაწილე.

14/09/2020

14 სექტემბერს სემეკის ორგანიზებით, საქართველოს ენერგოდამოუკიდებლობისა და ელექტროენერგიის ბაზრის ლიბერალიზაციის საკითხებისადმი მიძღვნილ ღონისძიებაზე, რომელშიც მონაწილეობა მიიღეს ენერგეტიკის სექტორში მოქმედი უწყებების, კომპანიების წარმომადგენლებმა და დარგის ექსპერტებმა, სემეკის თავმჯდომარემ - დავით ნარმანიამ ენერგეტიკის სექტორის განვითარებაში შეტანილი წვლილისათვის ღვაწლმოსილ ენერგეტიკოსებს მადლობის სიგელები გადასცა.

14/09/2020

ესკოს ხელმძღვანელი ზაზა დვალიშვილი 14 სექტემბერს, სემეკის მიერ ორგანიზებულ, საქართველოს ენერგოდამოუკიდებლობისა და ელექტროენერგიის ბაზრის ლიბერალიზაციის საკითხებისადმი მიძღვნილ ღონისძიებაზე პრეზენტაციით წარსდგა. ზაზა დვალიშვილმა ისაუბრა ელექტროენერგეტიკული ბაზრის ოპერატორის, როგორც რეფორმის პროცესის ერთ ერთი მნიშვნელოვანი ბირთვის დანიშნულებაზე, ესკოს როლისა და ფუნქციების შესახებ, მიმდინარე რეფორმისა და ბაზრის ლიბერალიზაციის პროცესში.

11/09/2020

2020 წლის აგვისტოს თვეში ესკო-ს მეშვეობით შესყიდულმა (გაყიდულმა) საბალანსო ელექტროენერგიის რაოდენობამ 253 174 525.7 კვტ.სთ შეადგინა, რაც აღნიშნულ თვეში ქსელში მთლიანი მიწოდების 26% წარმოადგენს. საბალანსო ელექტროენერგიის ღირებულებამ 39 153 431.8 ლარი შეადგინა.

◼ - პირდაპირი კონტრაქტით გაყიდული ელექტროენერგია

- საბალანსო ელექტროენერგია                                            

აგვისტოში საბალანსო ელექტროენერგიის საშუალო შეწონილმა ფასმა ერთ კილოვატ საათზე 15.4649966 თეთრი შეადგინა, ხოლო დერეგულირებული ელექტროსადგურების საბალანსო ელექტროენერგიის ფასმა კი - 1.358 თეთრი.

10/09/2020

ენერგეტიკოსთა პროფესიულ დღესთან დაკავშირებით გამართულ ღონისძიებაზე ელექტროენერგეტიკული ბაზრის ოპერატორის ღვაწლმოსილი თანამშრომელი ვაჟა ჭოჭუა „საქართველოს ელექტროენერგეტიკის დამსახურებული მუშაკის“ წოდებით დაჯილდოვდა და გადაეცა საპატიო სიგელი. ესკო სიხარულით ულოცავს ბ-ნ ვაჟას შრომისა და პროფესიონალიზმის დაფასებას და საპატიო ჯილდოს.

10/09/2020

ელექტროენერგეტიკული ბაზრის ოპერატორი - ესკო, ენერგეტიკოსის პროფესიულ დღეს გილოცავთ ყველას, ვისაც თავისი შრომითა და პროფესიონალიზმით, საკუთარი წვლილი შეგაქვთ ქართული ენერგეტიკის განვითარებაში. ვულოცავთ ღვაწლმოსილ ქართველ ენერგეტიკოსებს; მათ, ვისაც სამომავლოდ თავის გზად საქართველოს ენერგოსექტორში საქმიანობა აქვს არჩეული. კოლეგებო, გისურვებთ მშვიდობას, ენერგიას, უამრავ პროფესიულ წარმატებას და წინსვლას.

02/09/2020

2020 წლის 01 სექტემბერს ელექტროენერგეტიკული ბაზრის ოპერატორმა, „ელექტროენერგიის (სიმძალვრის) ბაზრის წესების“ შესაბამისად, საბითუმო ვაჭრობაში მონაწილედ დაარეგისტრირა შპს „პრაიმ ლიგალ“, როგორც ელექტროენერგიის საბითუმო მიმწოდებელი.

02/09/2020

2020 წლის 01 სექტემბერს ელექტროენერგეტიკული ბაზრის ოპერატორმა, „ელექტროენერგიის (სიმძალვრის) ბაზრის წესების“ შესაბამისად, საბითუმო ვაჭრობაში მონაწილედ დაარეგისტრირა შპს „პრაიმ ლიგალ“, როგორც იმპორტიორი.

02/09/2020

2020 წლის 01 სექტემბერს ელექტროენერგეტიკული ბაზრის ოპერატორმა, „ელექტროენერგიის (სიმძალვრის) ბაზრის წესების“ შესაბამისად, საბითუმო ვაჭრობაში მონაწილედ დაარეგისტრირა შპს „პრაიმ ლიგალ“, როგორც ექსპორტიორი.

01/09/2020

2020 წლის 1 სექტემბერს სს „ელექტროენერგეტიკული სისტემის კომერციული ოპერატორის“ დაარსებიდან 14 წელი შესრულდა. 2006 წლიდან ესკო საქართველოს ელექტროენერგეტიკული სექტორის სტაბილურობის, ქვეყნის უწყვეტი ელექტრომომარაგებისა და ქართული ენერგეტიკის  განვითარების სამსახურშია, თანამრომლობს ელექტროენერგიით ვაჭრობაში მონაწილე სუბიექტების გლბალურ დონეზე დამაკავშირებელ ორგანიზაციებთან.